Iran milli simfonik orkestri maliyyə çatışmazlığı səbəbindən ləğv olunub.

Yerli mətbuatın yazdığına görə, bu barədə onun tərkibinə daxil olan musiqiçilər məlumat veriblər.

Musiqiçilər 3 ay ərzində əmək haqqı almadıqlarını və bu dövr ərzində məşq etmədiklərini bildiriblər.

Orkestrin Qərbin İranın nüvə proqramına qarşı yönəltdiyi qadağaların qurbanı olduğu və ya onun ləğvinin Qərbin bu musiqisinin İslama zidd olduğunu hesab edən mühafizəkar müsəlman ruhaniləri tərəfindən bəyənilməməsi üzündən baş verdiyi hələ ki məlum deyil.