İsrailin baş naziri Benyamin Netanyahu İrana qarşı növbəti dəfə bəyanatla çıxış edib. Fransanın «Pari matç» jurnalına müsahibə verən Netanyahu İsrailin İrana zərbə endirəcəyi təqdirdə Yaxın Şərq bölgəsinin rahatlıq tapacağını bildirib.

Onun sözlərinə görə İran hakimiyyəti nəinki İsrail həmçinin ərəb ölkələri üçün də təhlükə mənbəyidir. İran rejiminin silahlanmasının ağır fəsadları olacağını bölgədə yerləşən ərəb ökələrinin artıq anladığını deyən israilli nazir zərbələrin endiriləcəyi təqdirdə həmin ölkələrin yalnız qazanacağını bildirib.