O, rəsmi Tehranın Rusiyadan silah-sursat almağa maraqlı olduğunu və bu istiqamətdə tərəflər arasında müzakirələrin aparılacağını deyib.


Qeyd etmək lazımdır ki, BMT-nin İrana qarşı qəbul etdiyi silah embarqosu bu ilin oktyabr ayında sona çatır. Amerika Birləşmiş Ştatların embarqonun davam etməsi üçün bir müddətdir ki, diplomatik təlaşlar göstərir.


Rəsmi Vaşinqton bildirir ki, Rusiya və Çin silah sataraq İrandan külli miqdarda gəlir əldə etmək üçün sanksiyanın davam etməsində maraqlı deyil.


Digər tərəfdən, səfirin Çin və Rusiyanı ABŞ sanksiyalarına qarşı koalisiyaya çağırmasına baxmayaraq, sözügedən hər iki ölkə Amerikanın İrana qarşı qəbul etdiyi iqtisadi sanksiyalara əməl edir. Belə ki, Çin son aylar ərzində İrandan neft alışını, eləcə də digər iqtisadi interaksiyaları kəskin dərəcədə aşağı salıb.