“Azərbaycanda televiziyaların rəqəmsal yayıma keçidi məsələsi gündəmdədir. Bununla bağlı noyabr ayında qərar verəcəyik. Bu texniki məsələ olduğuna görə, hazırda bu işlə Rabitə və İnformasiya Texnologiyaları Nazirliyi məşğuldur”.

Bunu Milli Televiziya və Radio Şurasının (MTRŞ) sədri Nuşirəvan Məhərrəmli jurnalistlərə açıqlamasında deyib. Şura sədri bildirib ki, yaxın günlərdə Azərbaycanın 85 faiz ərazisi rəqəmsal yayımla təmin olunacaq.