O, dünən keçirilmiş cümə namazı xütbəsində koronavirusu sekulyar virus adlandırıb.


"Koronavirus dini ölkələri dinsizliyə sürükləməyə çalışan sekulyar virusdur. Koronavirus sekulyardır, amma biz məhərrəm və səfər aylarındakı dini ritualları keçirilməsi ilə bağlı yalnız dindar mütəxəssislərin fikirlərinə əsaslanacağıq, ", -deyə Abbas Musavi Mütləq əlavə edib.


Son günlər ərzində İranda axundlar məhərrəm ayının başlaması ərəfəsində hələ də Covid-19 infeksiyasının yayılmasının qarşısını almaq üçün tətbiq edilmiş məhdudiyyətlərin davam etməsini tənqid edirlər.


Lakin İran Səhiyyə nazirinin müavini Rza Məlikzadə bildirir ki, ölkədə koronavirusa yoluxma halları çoxaldığından, tibbi tövsiyələrə əvvəlkindən daha çox riayət etmək lazımdır.