Türkiyənin İğdır şəhərində Ermənistandakı "Metsamor" atom elektrik stansiyasının bağlanması tələbi ilə imza toplanması kampaniyasına başlanılıb.

AES 40 ildən artıqdır fəaliyyət göstərir və region üçün təhlükədir. Bu barədə Türkiyənin "Polis Haber" saytı xəbər verir.
İmza toplanması aksiyasını Türkiyə Azərbaycan Cəmiyyəti təşkil edib. Vaşinqtonun AES-in daha 10 il fəaliyyət göstərməsi üçün Ermənistana icazə verməsi barədə qərarına yenidən baxması üçün toplanan imzalar ABŞ-ın Ankaradakı səfirliyinə göndəriləcək.