Bu barədə İran mediası məlumat yayıb.


Bildirilir ki, Xarici İşlər Nazirliyinin əməkdaşlarından ibarət olan nümayəndə heyəti təyyarənin vurulmasının müxtəlif aspektlərini, eləcə də hüquqi məsələləri müzakirə edəcəklər.


Təxminən 1 həftə əvvəl Ukraynanın Xarici İşlər naziri hadisə qurbanlarına kompensasiya ödənməsini müzakirə etmək üçün İranın bu ölkəyə nümayəndə heyəti göndərəcəyini bəyan etmişdi. O, həmçinin bildirmişdi ki, rəsmi Kiyev Tehranın təyyarənin "insan xətası" səbəbindən vurulmasına dair dediklərinə inanmır.


Xatırladaq ki, "Sepah"ın yanvarın 8-də raketlə vurduğu həmin təyyarənin göyərtəsində olan 176 nəfərin hamısı faciəvi şəkildə dünyasını dəyişmişdi.