Qərbi Azərbaycan əyalətinin Kənd Təsərrüfatı Təşkilatının rəisi Rəsul Cəlili bildirib ki, ötən həftə güclü yağışların səbəb olduğu sel və düşən dolu əyalətin Xoy vilayətində bağlara və əkin yerlərinə, eləcə də heyvandarlıq sahəsinə bir çox ziyan vurub.





O, əlavə edib ki, 35 kəndin əkin sahələrinə və meyvə bağlarına 50-100 faiz ziyan dəyib.

Cəlilinin sözlərinə görə, Xoyda 3 min 211 hektar bağa və təsərrüfat ərazisinə ziyan dəyib, 344 mal-qara tələf olub.





“Hazırda mütəxəssislər hadisənin miqyasını araşdırır və dəqiq zərərin miqdarı yaxın günlərdə açıqlanacaq”- deyə Kənd Təsərrüfatı Təşkilatının rəhbəri qeyd edib.