“Hazırda Azərbaycan telekanalları ilə bağlı əsas problemlərdən biri xarici serialların göstərilməsdir. İstərdik ki, bizim gənc nəsil xarici – Braziliya, Venesuela serialları əsasında yox, Azərbaycan serialları əsasında tərbiyə olunsunlar. Bununla bağlı Azərbaycan prezidentinin sərəncamı ilə ayrılmış 5 milyon manat telekanallar arasında bölüşdürüləcək”. Bu sözləri jurnalistlərə açıqlamasında Milli Televiziya və Radio Şurasının sədri Nuşirəvan Məhərrəmli deyib. O bildirib ki, Azərbaycan telekanallarında xarici serialların yayımının məhdudlaşdırılması planlaşdırılır.