Azərbaycan Milli Hərəkat fəalları Meşkinşəhrli (Xiyavlı) milli-mədəni fəal Fərhad Sərvnaz Pərixaninin dəfn mərasimində iştirak ediblər.

4-cü günü öz iş yerində bədbəxt hadisə nəticəsində dünyasını dəyişən azərbaycanlı fəalın yas mərasiminə, Azərbaycanın müxtəlif bölgələrindən milli-mədəni fəallar gedib və mərasimdə aktiv iştirak edfiblər. Onlarla yanaşı Meşkinşəhrin tanınmış şəxsiyyətləri və ictimai xadimləri də törənə qatılıb və mərhum milli-mədəni fəalın əziz xatirəsini ağırlayıblar.

Mərasimə Ərdəbil şəhərindən gəlmiş tanınmış azərbaycanlı fəal Abbas Lisanbi də qatılıb. Törəndə bir neçə milli-mədəni fəal o cümlədən cənab Lisani çıxış edib və Fərhad Sərvnaz və onun tutduğu ideya barəsində fikirlər söyləyiblər.

Mərhumun yas mərasimi 5-ci gün Meşkinşəhrin Qasimiyyə məscidində keçirilib. Yas mərasimi ilə bağlı şəhərin Milli Hərəkat fəalları tərəfindən türk dilində Bildirilər yayılıb.

Qeyd edək ki, mərhum Sərvnaz 2006-ci il may hadisələri zamanı Meşkinşəhrdə ETTELAAT (İran Kəşfiyyat Nazirliyi) məmurları tərəfindən tutuqlanıb və bir müddət işgəncələr altında saxlanıldıqdan sonra bu şəhərin zindanına intiqal edilmişdir. O, keçən il Dünya Ana Dili Günü mərasimləri ilə bağlı da ETTELAAT məmurları tərəfindən tutuqlanmışdır.