İsrail baş naziri Binyamin Netanyahu İranın nüvə silahına malik olmasına imkan verməyəcəyinə söz verib.

«Lazım gəlsə mən düyməyə basa biləcəyəm. Lakin ümid edirəm ki, buna ehtiyac olmayacaq. Əgər İranı dayandırmağın başqa yolu olmasa, İsrail hərəkətə keçməyə hazırdır... Bizim niyyətlərimiz ciddidir», deyə o bildirib.

Netanyahu bəyan edib ki, onun hökumət başçısı olduğu dövrdə İran nüvə silahı əldə edə bilməyəcək.

İsraildə parlament seçkiləri 2013-cü il yanvarın 22-də keçiriləcək.