O qeyd edib ki, rəsmi Vaşinqton bu halın baş tutması üçün əlindən gələn hər şeyi edəcək.


Pompeonun sözlərinə görə, 2231 saylı qətnamədə tətik mexanizminin işə düşməsi üçün nəzərdə tutulmuş 30 günlük prosesdən sonra 31-ci gün İrana qarşı qəbul edilmiş beynəlxalq embarqolar qüvvəyə minəcək və BMT-nin bütün üzv ölkələri ona riayət etməlidir.


Lakin 3 Avropa ölkəsi- Britaniya, Fransa və Almaniya yaydıqları birgə bəyanatda ABŞ-ın nüvə razılaşmasından çıxmasına görə bu ölkənin BMT-yə İrana qarşı sanksiyaları qaytarmaqla bağlı müraciətini dəstəkləməyəcəklərini elan ediblər.


Onlar, həmçinin qeyd ediblər ki, hələ də özlərini nüvə razılaşmasına üzv hesab edirlər.


Bu bəyanat Mayk Pompeonun kəskin tənqidinə səbəb olub. O, hər 3 Avropa ölkəsini İran ayətullahlarının tərəfini tutmaqda ittiham edib.


Birləşmiş Ştatlardan başqa heç bir ölkə özündə İrana qarşı silah embarqosunun uzadılması üçün BMT-yə qətnamə təqdim etmək cürətini tapmadı. Lakin onlar (avropalılar) bunun əvəzində ayətullahların tərəfini tutdular", - deyə Pompeo fikrini tamamlayıb.


Xatırladaq ki, avqustun 20-də Pompeo Nyu-Yorka gedərək, İrana qarşı tətik mexanizminin işə salınmasına üçün müraciəti BMT rəhbərliyinə təqdim edib.