Onun sözlərinə görə, Nikolas Maduro bu istiqamətdə Rusiyadan və Belarusdan da hərbi ləvazimatlar əldə etmək istəyir.


Kolumbiya Prezidenti qeyd edib ki, bu barədə onlara digər ölkələrin xüsusi xidmət orqanları tərəfindən kəşfiyyat məlumatları daxil olub.


"Hələ ki, Venesuela İrandan raket almayıb. Amma bu ölkə İrandan orta və uzaq mənzilli raketlər almaq istiqamətində təlaşlar göstərir", - deyə İvan Duke fikrini tamamlayıb.


İvan Dukenin sözləri dünən Amerikanın BMT-yə İrana qarşı bütün beynəlxalq sanksiyaları yenidən tətbiq etməklə bağlı müraciəti ünvanlamasından bir neçə saat əvvələ təsadüf edib.


Rəsmi Vaşinqton bir müddətdir ki, oktyabrın 18-də sona çatacaq İrana qarşı silah embarqosunun müddətinin uzadılmasına çalışır. ABŞ bununla bağlı Təhlükəsizlik Şurasına təqdim etdiyi qətnamənin qəbul edilməməsindən sonra tətik mexanizmini tətbiq etməklə, rəsmi Tehrana qarşı qəbul edilmiş bütün beynəlxalq sanksiyaların yenidən qaytarılmasına çalışır.