Türkiyədə yeni növ koronavirus (COVID-19) pandemiyasına qarşı aparılan mübarizə tədbirlərinə baxmayaraq gündəlik yoluxmada kəskin artım müşahidə olunub.

Avqustun 24-də ölkə üzrə 95 min 943 nəfər testdən keçirilib. Onlardan 1443 nəfər xəstə çıxıb. Bu göstərici əvvəlki günlə müqayisədə 226 nəfər çoxdur. Avqustun 24-də ölkə üzrə 743 nəfər sağalıb, 18 nəfər ölüb. Bu vaxtadək 259 min 692 nəfərdə infeksiya aşkar olunub, 6 min 139 nəfər ölüb.