O bildirib ki, müzakirəyə başlamağın tək yolu Amerikanın yenidən Hərtərəfli Birgə Fəaliyyət Proqramına qayıtması və "tövbə etməsindən" keçir.


Səid Xətibzadə sonda iddia edib ki, əgər tətik mexanizmi işə salınsa, bu, BMT-nin 2231 saylı qətnaməsi və nüvə razılaşmasının "pozulması" hesab ediləcək və İran buna "qəti" cavab verəcək. Lakin o, həmin "qəti" cavabın detallarını açıqlamayıb.


Sözçü Trampın İranla yenidən müzakirələrə başlamağa dair dediklərini "seçkilərə hesablanmış" və "daxili auditoriya üçün nəzərdə tutulmuş" sözlər adlandırıb.


Xatırladaq ki, Donald Tramp bir müddət əvvəl bildirmişdi ki, İran ABŞ-dakı seçkilərin nəticələrini gözləyir və əgər o, yenidən seçilsə, 1 aydan az müddət ərzində rəsmi Tehran Vaşinqtonla müzakirələrə başlayacaq.