Paytaxtın Xəzər və Suraxanı rayonlarında oğurluqla məşğul olan şəxslər yaxalanıblar.

Daxili İşlər Nazirliyinin mətbuat xidmətindən bildiriblər ki, avqustun 21-dən 24-dək olan müddətdə Suraxanı rayonunun Binə qəsəbəsindəki evlərin birindən iki min manat dəyərində televizor və qızıl-zinət əşyaları oğurlamaqda şübhəli bilinən Bakı şəhər sakinləri M.Ağayev və C.Kulukayev rayon polis idarəsinin 30-cu polis şöbəsi əməkdaşlarının keçirdikləri əməliyyat tədbirləri nəticəsində yaxalanıblar.

Xəzər Rayon Polis İdarəsinin 1-ci polis şöbəsi əməkdaşlarının keçirdikləri əməliyyat tədbirləri nəticəsində isə rayon ərazisindəki köşklərin birindən üç min manat dəyərində tütün məmulatı, danışıq kartları və ərzaq məhsulları oğurlamaqda şübhəli bilinən Bakı sakini, əvvəllər məhkum olunmuş H.Orucov tutulub.

Faktlarla bağlı araşdırmalar davam etdirilir.