Filmin nümayişi türkiyə istisna omaqla bütün dünyada Təbriz vaxtı ilə saat 19:00-da başlayacaq. Kömür filmi Türkiyədə daha əvvəl bu ölkənin TRT telekanalı tərəfindən nümayiş etdirilib.







Keçən il Güney Azərbaycanın müxtəlif şəhərlərində ekrana çıxarılan türkcə əsər tamaşaçılar tərəfindən böyük rəğbətlə qarşılanmışdı.

Qeyd edək ki, rejissoru İsmayıl Münsif olan “Kömür” filmi Güney Azərbaycan və Fransanın müştərək məhsuludur. Güney azərbaycanlı aktyorların rol aldığı film Astara şəhərində çəkilib.





“Kömür” filmi bundan əvvəl İranda keçirilən Fəcr Film Festivalında qərəzli münasibətlər və ayrı-seçkiliyə məruz qalmışdır.

İsmayıl Münsif 2019-cu ilin may ayında İnstgaram səhifəsində paylaşdığı bir postda festival məsullarının onun türkcə əsərinə laqeyd münasibətindən şikayətlənmişdi.





“Şübhəm yoxdur ki, əgər film fars dilində və tanınmış bir ssenaristlə istehsal olunsaydı, bu gün onun taleyi tam fərqli olardı. Lakin mən deməliyəm ki, hər zaman türk dilində film çəkəcəyəm. O qövmün dilində ki, onun İran kinoteatrından payı yalnız bir sıra gülünc elementlərdən ibarətdir, hansı ki, hər bir izləyici ona gülür və İrşad İdarəsi tərəfindən heç vaxt senzura tətbiq olunmur. Bu, müxtəlif qövmlərin təhqir olunması deməkdir,”- deyə rejissor səhifəsində yazmışdı.





Filmi aşağıdakı linklərdən izləyə bilərsiniz:



hashure.com



tiwall.com