Lənkəran rayonunda ölümlə nəticələnən yol-nəqliyyat hadisəsi baş verib.

Daxili İşlər Nazirliyinin mətbuat xidmətindən bildiriblər ki, rayonun Girdəni kəndi ərazisində Günəhir kənd sakini A.Fərəcovun idarə etdiyi “Shacman” və İstisu qəsəbə sakini M.Kəlbiyevin idarə etdiyi “VAZ-2107” markalı avtomobillər toqquşub. Nəticədə M.Kəlbiyevin sərnişinlərindən Mahir Əhmədov hadisə yerində ölüb, özü və digər üç sərnişini xəstəxanaya yerləşdiriliblər.

Hadisə ilə bağlı Lənkəran Şəhər Rayon Polis Şöbəsi tərəfindən araşdırma aparılır.