Gürcüstanda son 24 saat ərzində daha 196 nəfərdə koronavirus aşkar edilib.

Bununla da ölkədə COVID-19 virusuna yoluxanların ümumi sayı 2758-ə çatıb.

Bu barədə məlumat Gürcüstan hökumətinin rəsmi stopcov.ge saytında yerləşdirilib.

Pandemiya qurbanlarının sayı isə dəyişməyib - 19 nəfərdir.

Xarici ölkələrdə yaşayan 41 Gürcüstan vətəndaşı da müalicə üçün Tbilisiyə gətirilib.

Koronavirusdan 1369 nəfərin müalicə olunduğu bildirilir.

Qeyd edək ki, Gürcüstanda koronavirusa ilk yoluxma halı cari il fevralın 26-da qeydə alınıb.