Tacikistanin avesta.tj portalı İkinci Dünya müharibəsi dövründə antifaşist Müqavimət hərəkatının görkəmli nümayəndəsi, əfsanəvi partizan Əhmədiyyə Cəbrayılov haqqında “Xalq öz qəhrəmanlarını unutmur” sərlövhəli məqalə dərc edib.

Vurğulanır ki, bu il Azərbaycanda qəhrəmanın 100 illiyi qeyd olunur.

Materialda bildirilir ki, müharibənin ilk günlərindən 700 min azərbaycanlı cəbhəyə gedib və faşist Almaniyasına qarşı vuruşub.

Məqalədə Əhmədiyyə Cəbrayılovun qəhrəmanlığı haqqında ətraflı söhbət açılır, faşizmə qarşı mübarizədə şücaət göstərmiş azərbaycanlıların adları qeyd olunur.