Ukraynada son sutka ərzində koronavirusa yoluxanların sayı ilk dəfədir ki, 4 min nəfəri ötüb.

Ukrayna Səhiyyə Nazirliyi xəbər verir ki, ölkədə son sutkada 4027 nəfər koronavirusa yoluxub, 64 nəfər isə dünyasını dəyişib. Ən çox yoluxma Kiyev, Dnepropetrovsk, Donetsk və Ternopol vilayətlərində qeydə alınıb.

Bununla da ölkədə koronavirusa yoluxanların sayı 208 min 959 nəfərə çatıb. Bu infeksiyadan ölənlərin ümumi sayı 4129 nəfərdir, 92 minə yaxın xəstə isə sağalaraq evə buraxılıb.

Qeyd edək ki, Ukraynada koronavirusla bağlı vəziyyət pisləşdiyindən karantin müddəti noyabra qədər uzadılıb.