Milli Dirçəliş Hərəkatı Partiyasının sədr müavini, Qarabağ departamentinin sədri Şakir Ağayev bir neçə gün öncə cəbhə bölgəsinə getmişdir. Cəbhə bölgəsində hərbiçilərimizlə görüşmüş, partiyanın adından müəyyən yardımlar aparmış, əsgərlərimizə əhval ruhiyyə vermiş, ön cəbhədə olan yaralanmış əsgərlərimizə baş çəkmişdir.

Qeyd edək ki, Şakir Ağayev "20 yanvar" hadisələri zamanı yaradılan "Dəfn Komissiyasının" aparıcı rəhbərlərindən biri olmuş, həmin çətin günlərdə şəxsi vəsaiti hesabına "20 Yanvar" Soyqırımı qurbanlarının cənazələri üçün tabutlar hazırladan sahibkarlardandır. Azərbaycanın müstəqilliyi uğrunda mübarizədə iştirak etmiş insanlardan biridir.
Qarabağ döyüşlərində ilkin yaradılan "Laçın alayı"nın texniki vasitələr və silah-sursatla təmin edilməsında aktiv fəaliyyət göstərən Şakir bəy Laçının işğalından sonra Qarabağın digər bölgələrində döyüşən alayların yaradılmasında fəaliyyətini davam etdirib. Erməni-Rus işğalının qarşısını almaq məqsədi ilə Salyanın Çuxanlı kəndində hərbi hissə yaradan Şakir bəy, Qarabağ döyüşlərinin son gününə kimi döyüşlərdə iştirak edib. Erməni girovluğunda olan saysız insanı əsirlikdən qurtarıb.