Tacikistanın avesta.tj portalı Azərbaycan ərazilərinin Ermənistanın işğaldan azad olunması ilə bağlı rus dilində məqalə dərc edib.

“Azərbaycan Ordusu zəbt olunan əraziləri uğurla işğaldan azad edir” sərlövhəli məqalədə sentyabrın 27-si səhər saatlarından başlayaraq Ermənistanın təxribatları, Azərbaycan ordusunun əks-hücumu haqqında məlumat verilir. Həmçinin bir sıra ərazilərin işğaldan azad edildiyi bildirilir.

Vurğulanır ki, Ermənistan silahlı qüvvələri Azərbaycanın ikinci ən böyük şəhəri Gəncəni, həmçinin Tərtər və Mingəçeviri atəşə tutublar. Hətta Xızı və Abşeron bölgəsinə iki raket atılıb.