ABŞ Maliyyə Nazirliyi İranın 18 bankının adını sanksiyalar siyahısına əlavə edib.

ABŞ Maliyyə Nazirliyinin rəsmi saytı xəbər verir ki, bu banklar artıq heç bir beynəlxalq səviyyəli maliyyə əməliyyatları apara bilməyəcək.

İranın Xarici İşlər naziri Məhəmməd Cavad Zərif qeyd edib ki, koronavirus pandemiyası dövründə sanksiyaların gücləndirilməsi ərzaq və əczaçılıq mallarının alınmasına çətinlik yaradacaq. Nazir deyib ki, iranlılar bu sınaqdan da üzüağ çıxacaqlar. Lakin vaxt gələcək əhalini aclığa məruz qoymağa çalışanlar məhkəmə qarşısında cavab verməli olacaqlar.