Honqkonq hökuməti İranın neft daşıyan 19 yük gəmisinin qeydiyyatını ləğv edəcəyini açıqlayıb.
Noyabrın 12-də Honqkonq hökumətinin bununla bağlı yaydığı bəyanatda deyilir ki, həmin gəmilər İran Milli Gəmiçilik Şirkətinin nəzarəti altında fəaliyyət göstərir. Gəmi sahiblərinə bildirilib ki, onların qeydiyyatı yaxın 3 ayda tədricən ləğv ediləcək və onların Honqkonq bayrağı altında dənizdə hərəkətinə bir daha icazə verilməyəcək.
Bəyanatda İran gəmilərinin qeydiyyatının ləğvi qərarı Qərbin İrana qarşı sanksiyaları (təhrimləri) ilə əlaqələndirilir.