Ermənistanda koronavirusa yoluxanların ümumi sayı 100 minə yaxınlaşır. Son sutka ərzində ölkədə daha 2 min 374 nəfərdə koronavirus aşkarlanıb.

Bu barədə məlumatı Ermənistan Səhiyyə Nazirliyinin Xəstəliklərə Nəzarət və Onların Profilaktikası Milli Mərkəzi yayıb.

Bildirilir ki, bununla da Ermənistanda virusa yoluxanların ümumi sayı 97 min 150-yə yüksəlib.

Ölkədə koronavirusdan ölənlərin sayı daha 35 fakt artaraq 1448-ə çatıb.

Hazırda Ermənistanda 36 min 502 aktiv koronavirus xəstəsi var.

Xatırladaq ki, əhalinin hər yüz min nəfərinə düşən yoluxma hallarının və ölüm sayına görə, Ermənistan MDB məkanında birinci yerdədir.