Ermənistanda koronavirusa yoluxanların və bu virusdan ölənlərin sayı yenidən kəskin artıb. Son sutka ərzində ölkədə daha 1 703 nəfərdə koronavirus aşkarlanıb.

Bu barədə məlumatı Ermənistan Səhiyyə Nazirliyinin Xəstəliklərə Nəzarət və Onların Profilaktikası Milli Mərkəzi yayıb.

Bildirilir ki, bununla da Ermənistanda virusa yoluxanların ümumi sayı 115 min 855-ə yüksəlib.

Ölkədə pandemiya qurbanlarının sayı daha 41 fakt artaraq 1738-ə çatıb.

Hazırda Ermənistanda 39 min 564 aktiv koronavirus xəstəsi var.

Xatırladaq ki, əhalinin hər yüz min nəfərinə düşən yoluxma hallarının və ölüm sayına görə, Ermənistan MDB məkanında birinci yerdədir.