Güney Azərbaycanın Tikantəpə şəhərinin Cinayət Məhkəməsinin 102 saylı şöbəsi, Hüseyin Mikaili və ortaqlarından birinin korrupsiya ilə əlaqədar məhkəmə işində "son qərarını" verib. Məhkəmənin verdiyi məlumata görə, hazırda Tikantəpə Şəhər Şurasının sədri olan Hüseyin Mikaili "2018-07-03 – 2018-07-10 tarixləri arasında tutulub və girov müqabilində zaminə buraxılıb."



Məhkəmənin hökmündə bildirilir ki, Kəşfiyyat idarəsinin verdiyi ittiham hesabatına görə, Hüseyin Mikaili və ortağı "rüşvət, mənimsəmə və fırıldaqçılıq" ittihamı ilə "səkkiz il həbs cəzası ilə yanaşı, dövlət işindən daimi azad etmə və varidatından mənimsədiyi miqdarın iki qatının müsadirə edilməsi" maddələri ilə ittiham irəli sürülüb.



Xatırladaq ki, 2018-ci ilin sentyabrında Baş Müfəttişliyin və Urmiya İnqilab Prokurorluğunun 4 saylı şöbəsi, Tikantəpə Şəhər Şurasında korrupsiya və geniş yayılmış qanun pozuntuları barədə hökm çıxarmış, Hüseyin Mikailini rüşvət və qanunsuz mənimsəəmədə ittiham etmişdi.



2018-ci ilin noyabr ayında Qərbiı Azərbaycanın ali məhkəməsi, Qərbi Azərbaycan Valisinə, Qubernatoruna və Tikantəpə bələdiyyəsinə "Hüseyin Mikaili"nin ittiham aktını elan edərək "Rüşvət, mənimsəmə və saxtakarlıqla əlaqədar cəzanın ağırlaşdırılması haqqında qanunun 7-ci maddəsinin tətbiq edilməsinə" çağırmışdı.



Bu maddəyə görə, "cinayətkar ittiham aktı çıxarıldığı gündən işindən kənarlaşdırılacaq. "Prokurorluq ittiham aktının verilməsini aidiyyəti idarə və ya quruma elan etmək məcburiyyətindədir.



Ancaq bütün bu ittihamlara baxmayaraq nədənsə H.Mikaili valilik və bələdiyyə məclisində öz fəaliyyətini davam etdi.



Sonradan isə Şəhər Şurasının sədri seçildi!
Hüseyin Mikailinin məhkəmə işi neçə ildir ki davam edir. Ancaq cənab Mikaili rüşvət verməklə və müxtəlif əlaqələrindən istifadə edərək özünə qarşı irəli sürülən ittihamlardan yaxa qurtarmağa çalışıb.



Məlumatlı mənbələrə görə, pozuntuların baş verdiyi ərazilərin dəyəri 600 milyard tümən (25 milyon dollar)dan çoxdur.



Qeyd edək ki, Hüseyn Mikaili vəzifədə
olduğu illər ərzində Tikantəpə şəhərinin etnik tərkibinin kürdlərin xeyrinə dəyişilməsi, şəhərdə terror təşkilatının simvolunun quraşdırılması, güneyli türk milli-məədəni fəallara qarşı fəaliyyətiləri ilə seçilib.



H.Mikailinin dəfələrlə kürd silahlı təşkilatlarına açıq simpatıya nümayiş etdirməsi şəhərin türk əhalisinin narazılığna səbəb olub. Ancaq o hansısa əlaqələrindən istifadə edərək onun işləklərinə etiraz edən türk milli-mədəni fəalların məhkəməyə cəlb olunması və incidilməsinə nail olub.