Gürcüstanda koronavirusa yoluxanların sayı yenidən artıb. Son sutka ərzində ölkədə daha 3 837 nəfərdə koronavirus aşkarlanıb. Son 24 saat ərzində 3 105 nəfər müalicə olunaraq sağalıb, 44 pasiyent isə həyatını itirib. Bu barədə Gürcüstan hökumətinin xüsusi rəsmi stopgov.ge saytında məlumat yerləşdirilib.

Bildirilir ki, ölkə üzrə COVID-19-a yoluxanların ümumi sayı 194 min 900-ə çatıb.

Yoluxan şəxslərin 164 786-sı sağalıb, 1 883-ü isə ölüb. Hazırda ölkə üzrə karantin zonalarında 969, stasionar nəzarətdə 6 710 nəfər saxlanılır. 2 734 nəfər isə xüsusi kovid otellərdə müalicə olunur.