Yaponiyada son sutkada koronavirusa yoluxmada yeni antirekord qeydə alınıb – 3740 nəfər.

Yaponiya Səhiyyə Nazirliyinə istinadla xəbər verir ki, bu göstərici bir gün əvvəl qeydə alınan antirekordu təzələyib. Bununla bərabər, 54 nəfərin həyatını itirdiyi də bildirilir.

Yaponiya üzrə koronavirusa yoluxanların ümumi sayı 211 min 438 nəfərə çatıb. Koronavirusa yoluxma nəticəsində ümumilikdə 3136 nəfər həyatını itirib.

Səhiyyə Nazirliyinin bildirdiyinə görə, ölkə üzrə ən ağır vəziyyətdə olan xəstələrin ümumi sayı 644 nəfərdir.