Ailə Qadın və Uşaq Problemləri üzrə Dövlət Komitəsi 31 dekabr - Dünya Azərbaycanlılarının Həmrəyliyi Günü və yeni il ərəfəsində növbəti sosial dəstək kampaniyası başladıb. Kampaniya çərçivəsində müharibədən zərər çəkən ailələrə, eyni zamanda böyük Qələbəni bizə yaşadan şəhid və qazilərimizin ailələrinə səfərlər edilir, görüşlər keçirilir.

Komitədən bildirilib ki, kampaniya çərçivəsində dekabrın 29-da qurum əməkdaşları və “Ailəm” könüllüləri ailələrlə görüşərək onlarla psixoloji söhbət aparıb, bayram sovqatları və uşaqlara müxtəlif hədiyyələr təqdim edib.

Kampaniya müxtəlif rayonlar üzrə bayram günlərində də davam etdiriləcək.