Türkiyəli müəllim və şagirdlər Azərbaycan əsgərlərinə məktub və hədiyyələr göndərməklə onlara mənəvi dəstəklərini ifadə ediblər.

Təhsil Nazirliyindən bildirilib ki, layihənin müəllifi 2 C sinif müəllimi Saadet Tığlı məktubunda Azərbaycan və Türkiyə qardaşlığını xüsusi vurğulayıb. Bildirib ki, Türkiyə xalqı olaraq hər zaman Azərbaycan Ordusunun yanındadırlar. Saadet Tığlı məktubunda Azərbaycanın qalib əsgərlərinin qəhrəmanlıqlarını yaxından izlədiklərini, onlarla fəxr etdiklərini qeyd edib.

Şagirdlərdən Asya Bahar Konaçoğlu, Eymen Efe Keskin, Meryem Qaradəniz, Buse Aşçı, Berat Dura, Zeynəb Kaya, Alpərən Çürtük, Mikail Duyku, Berk Artul və digərlərinin məktublarında “Biz bir millət, iki dövlətik!”, “Biz iki ordu, bir gücük!”, “Sizin kimi qəhrəman əsgəri böyüdən anaların əllərindən öpürük”, “Dualarımız həmişə sizinlədir” kimi sözlər qeyd edilib. Hər məktubda Azərbaycan və Türkiyənin dövlət bayraqlarının təsviri əsgərlərdə qürur hissi oyadıb. Uşaqların hazırladıqları videolar böyük maraqla izlənilib.

Hərbi qulluqçular məktəblilərin bu nəcib, xeyirxah təşəbbüsünü yüksək dəyərləndirərək onlara minnətdarlıq dolu məktub ünvanlayıb, xatirə hədiyyələri göndəriblər.