Ukraynanın Xarkov şəhərində Qocalar evində çoxlu sayda insanın ölümü ilə nəticələnən yanğınla bağlı dörd nəfər saxlanılıb.

Bu barədə Ukraynanın Baş prokuroru İrina Venediktova məlumat verib.

Onun sözlərinə görə, saxlanılan şəxslər Qocalar evinin sahibi, inzibatçısı, kirayəçisi və onun arvadıdır. Onların barələrində həbs qətimkan tədbirlərinin seçilməsi üçün vəsatət hazırlanır.

Məlumata görə, Qocalar evi qanunsuz fəaliyyət göstərib və qeydiyyatı olmayıb.

Qeyd edək ki, yanvarın 21-i yerli vaxtla 15:03-də Qocalar evinin ikimərtəbəli binasında baş verən yanğın nəticəsində 15 nəfər həlak olub. Faciə ilə bağlı bu gün Xarkov şəhərində matəm elan edilib.