Bir neçə gündür İrandan Azərbaycan Cümhuriyyətinə zəng etmək mümkün olmur.
Bu barədə məlumat verən güney azərbaycanlı soydaşımız son günlərdə bu problemin olduqca ciddiləşdiyini bildirib. Onun sözlərinə görə, İrandan mobil telefonları ilə Azərbaycana zəng etmək mümkün olmasa da, ev telefonları ilə zəng etmək mümkün idi. Lakin son 4 gün ərzində hətta ev telefonları ilə də əlaqə saxlamaq olmur.
Qeyd edək ki, İran-Azərbaycan arasında telefon əlaqələrində zaman-zaman bu kimi problemlər yaşanır. Problem hər dəfə İran tərəfindən irəli gəlir.