“Anadolu” agentliyinin verdiyi xəbərə görə, bu barədə Türkiyənin ticarət naziri Ruhsar Pekcan bildirib.



Fevral ayının 11-i, axşam saatlarında Şanlı Urfa şəhərində mətbuat nümayəndələri qarşısında çıxış edən nazirin sözlərinə görə, Türkiyənin İranla sərhədində yerləşən “Gürbulaq” sərhəd-keçid məntəqəsində 808 kq heroin ələ keçirilib.



Nazir qeyd edib ki, bu, Türkiyə gömrüyündə indiyədək ələ keçirilən ən böyük heroindir.



Bundan öncə 2019-cu ilin yanvar ayında, İrandan Türkiyəyə keçirilməsi üçün qranit daşlar içində yerləşdirilən 535 kq heroin Türkiyə gömrükçüləri tərəfindən ələ keçirilmişdir.