Yunanıstanın Attika bölgəsində güclü qar yağması səbəbindən elektrik enerjisinin təminatında fasilələr yaranıb, yollar iflic olub. Attika bölgəsinin Aqios Stefanos, Krioneri, Nea Eritreya, Metamorfosi, Neo İraklio, Nea İonia, Nea Filadelfiya, Ekali, Marusi, Aniksi, Dionisos, Drosiya, Kapandriti, Menidi, Parnita, Avlonas və digər rayonlarında elektrik enerjisinin təminatında problemlər davam edir. Eyni zamanda su təminatında da fasilələr yaranıb. Yanğın söndürən maşınlar və digər uyğun texnikalar qarın nəticələrini tezliklə aradan götürməyə cəlb olunublar. Meteoroloqların məlumatına əsasən, qarın fevralın 18-nə kimi davam etməsi gözlənilir. Yunanıstanın Baş naziri Kiriakos Mitsotakis əhalini ehtiyac duymadıqda evdən çıxmamağa çağırır.