İstanbulun Arnavutköy rayonunda süni dəri emalı fabrikində şiddətli partlayış baş verib.

Rayonun Hadımköy bölgəsində meydana gələn partlayış ətraf rayonlarda da hiss edilib.

Əraziyə çoxlu sayda təcili tibbi yardım və yanğınsöndürən briqadaları cəlb edilib. İlkin məlumata əsasən, partlayış nəticəsində üç nəfər müxtəlif dərəcəli bədən xəsarətləri alıb.

Hadisənin baş vermə səbəbləri barədə hələ ki məlumat yoxdur.

Faktla bağlı araşdırma aparılır.