“Musiqili piano”nun martın 29-dan 30-a keçən gecə naməlum şəxslər tərəfindən söküldüyü bildirilir.



Qeyd edək ki, martın 28-də Təbrizin “Fələkeyi Danişqah” adlanan meydanında quraşdırılan eleman şəhər sakinlərinin rəğbəti ilə qarşılanmışdı.

Sökülən elemanla bağlı əlaqədar qurumlardan hç biri məsuliyyəti öz üzərinə götürməyib.



Təbrizin “azaranjoman” xəbər saytının verdiyi məlumata görə, Şərqi Azərbaycan Mədəniyyət və İslami Maarif Təşkilatının sədri Seyid Qasim Nazimi başçılıq etdiyi qurumun bu işdə əli olmadığını bildirib.



Onun sözlərinə görə, bu cür qurğuların (elemanların) quraşdırılması və sökülməsi bələdiyyənin səlahiyyətləri çərçivəsindədir.

Bundan öncə Təbrizdə quraşdırılan “Təkəmçilər” heykəlinə də dəfələrlə xəsarət yetirilmiş və dağıdılmışdı.