Ermənistan prezidenti Serj Sarqsyanın dəvəti ilə Türkmənistan prezidenti Qurbanqulu Berdiməhəmmədovun sabah İrəvana səfəri başlayır.

səfər çərçivəsində o, erməni həmkarı, Ermənistan parlamentinin sədri Ovik Abramyan, baş nazir Tiqran Sarkisyanla görüşəcək.

Səfər zamanı iki dövlət arasında əməkdaşlığın və əlaqələrin inkişafı ilə bağlı bir sıra sənədlər imzalanacaq.

Bundan başqa onun ermənilərin baş keşişi ikinci Qargenlə görüşəcəyi gözlənilir.

Q.Berdiməhəmmədovun İrəvan Dövlət Universitetində müəllim və tələbələr qarşısında çıxışı da planlaşdırılıb.