İsrailin müdafiə naziri Ehud Barak bildirib ki, İran uranın zənginləşdirilməsi prosesini dayandırmasa 2013-cü ildə nüvə silahı əldə etməyə yaxın olacaq.
ABŞ (Amerika Birləşmiş Ştatları) müdafiə naziri Leon Panetta ilə görüşdən sonra keçirilən mətbuat konfransında Barak deyib ki, İran nüvə sahəsində Pakistan və Şimali Koreya yolu ilə getməyə çalışır. Bu barədə APA, İTAR-TASS agentliyinə istinadən xəbər yayıb.
İsrail müdafiə nazirinin fikrincə başqa ölkələrin səyi ilə, “bu və ya digər üsulla” İranı bu planlarından əl çəkməyə məcbur etmək mümkün olacaq.
Eyni zamanda Barak iqtisadi sanksiyaların kifayət etmədiyini bildirib.