Gürcüstanda əhalinin koronavirusa qarşı peyvəndlənməsi davam edir. Bu günədək cəmi 89 min 260 nəfər peyvənd olunub.

Bu barədə Gürcüstanın Xəstəliklərə Nəzarət Milli Mərkəzi məlumat yayıb.

Bildirilib ki, Gürcüstanda peyvəndləmə martın 15-də başlayıb. Bu günədək 89 min 260 nəfər vaksin olunub. Onların yalnız 14 min 643-ü vaksinin ikinci dozasını qəbul edib.

Hökumət əhalinin peyvəndləməyə az cəlb olunmasından narahatdır. İnsanları vaksinasiyaya daha fəal cəlb etmək məqsədilə vaksinin hər iki dozasını qəbul edən insanlar üçün xüsusi güzəştlər hazırlayır.