Yerli mətbuatın verdiyi bilgiyə görə, əmək haqqının azlığından şikayətlənən müəllimlər müqavilə ilə, rəsmi şəkildə işə götürülmələrinin tələb edib.

Müəllimlər üzərində “özəl sektor müəllimləri işə qəbul edilsin”, “mən də müəlliməm və rəsmi işə alınmaq mənim də haqqımdır” və digər şüarlar yazılmış plakatlar qaldırıb.

Özəl məktəblərdə dərs deyən müəllimlərin əksəriyyəti daha təcrübəli və peşəkar olmalarına baxmayaraq, yalnız valideynlərin aylıq ödənişlərindən maaş alır. Onların əmək haqqı dövlət məktəblərindən azdır.

Bu məktəblərdə dərs deyən müəllimlərin bir çoxu sığorta və başqa xidmətlərdən məhrumdurlar. Onların bir qismi isə dövlət məktəblərindən təqaüdə çıxmış müəllimlərdir.

Mayın 22-i bazar günü Qəzvin əyalətinin bir qrup təhsil işçisi də şəhərin Təhsil Baş İdarəsinin binası qarşısına toplaşaraq aksiya keçirib.

Onlar da məvaciblərinin azlığından şikayələnib. Müəllimlər qeyd edib ki, bahalaşma artıb, inflyasiya yüksəkdir, ancaq onların maaşı az, dolanışığı isə çətindir.