Çinin Heyloncian vilayətində iyunun 1-də axşam saatlarında baş vermiş qasırğa nəticəsində 1 nəfər ölüb, 16 nəfər müxtəlif dərəcəli bədən xəsarəti alıb.

Vilayət hökumətinin açıqlamasına istinadla xəbər verir ki, dolu ilə müşayiət olunan qasırğa Şanci şəhərində 146 evin, o cümlədən fermer təsərrüfatının, kiçik istehsal sahələrinin dağılmasına səbəb olub. Ərazidən 250-ə yaxın sakin təxliyə edilib.

Ümumi maddi ziyan 5,12 milyon yuan (təxminən 802 min ABŞ dolları) qiymətləndirilir.