Sulduz şəhərindən olan tanınmış sənətçi iyunun 3-də COVİD-19-dan dünyasını dəyişib.

İncəsənət İnstitutunun heykəltəraşlıq üzrə məzunu olan Məhəmməd Əli Məhəmmədi İran Heykəltəraşlar Cəmiyyətinin üzvü idi.

O, bir çox əsərlərin, o cümlədən Güney azərbaycanlı şəxsiyyətlərin, o cümlədən dahi Azərbaycan şairi Məhəmmədhüseyn Şəhriyarın heykəlinin müəllifidir. Onun məşhur “Aşıq” heykəli Urmu şəhərinin Vəlfəcr bulvarında quraşdırılıb.

Sulduzlu türk sənətkarın dəfn mərasimi bu gün Təbriz vaxtilə saat 10.00-da, Bakı vaxtilə saat 10:30-da keçiriləcək.