Rusiya Elm və Ali Təhsil Nazirliyi Moskvanın ali məktəblərinə distant təhsil formasına keçməyi tövsiyə edib.

Nazirlik distant təhsilə keçid mümkün olmadıqda, COVID-19 əleyhinə tədbirlərə ciddi riayət edilməsinə nəzarəti artırmağı məsləhət görüb.

Qeyd edək ki, ötən gün Moskvada 6590 nəfərdə koronavirus aşkar edilib, 72 nəfər vəfat edib.

Ümumilikdə Rusiyada iyunun 13-də 13 721 nəfərin koronavirusa yoluxduğu məlum olub, 271 xəstə vəfat edib. Hazırda 285 960 nəfər bu xəstəlikdən müalicə olunur.