İranın Qərbi Azərbaycan əyalətindəki məktəbdə baş vermiş partlayış nəticəsində xəsarət alan 4 uşaq reanimasiyada qalır. Bu barədə DAİM "Mehr" agentliyinə istinadən məlumat verir.

Piranşəhr dairəsinin qubernatoru Musahadi Orucun sözlərinə görə, Piranşəhr şəhərində qızlar məktəbinin siniflərindən birində qızdırıcı cihaz partlayıb.

Dekabrın 5-də baş vermiş faciə zamanı sinifdə 31 məktəbli olub. 29 qız ağır yanıq xəsarətləri ilə xəstəxanaya yerləşdirilib. Hazırda xəsarət alan 4 məktəbli intensiv terapiya şöbəsindədir.

Hadisədən sonra insidentin səbəblərinin araşdırılması üzrə xüsusi komissiya yaradılıb.