Təbrizin Tibb Elmləri Universitetinin rektor müavini Abbasəli Dürüsti mətbuata verdiyi açıqlamada Şərqi Azərbaycan əyalətində hər gün ortalama 350 nəfərin koronovirusa yoluxduğunu bildirib.

O, bu gün iyunun 22-də verdiyi açıqlamada əyalətdə son 24 saatda 9 COVİD-19 xəstəsinin öldüyünü bildirərək, əyalətdə gündəlik koronovirus qurbanlarının sayının 10 nəfər civarında olduğunu açıqlayıb.



Şərqi Azərbaycanda koronavirus tüğyan edir: Son sutkada 25 nəfər vəfat edib



İranda koronavirusun dördüncü dalğasının başlamasından, yoluxanların və ölənlərin sayının çoxalmasından sonra hökumət bu barədə məlumatı bir mərkəzdən və dəyişdirilmiş formada verməyə başlayıb.

Bir müddət öncə Təbriz Tibb Elmləri Universitetinin Yoluxucu Xəstəliklər şöbəsinin direktoru doktor Simin Xəyyatzadə koronavirusun dördüncü dalğasının başlaması ilə əlaqədar Şərqi Azərbaycan xəstəxanalarında yer çatışmazlığı yarandığını demişdi.

Xəyyatzadə, koronovirusa yoluxanların xəstəxanalara axın etdiyini, yeni yoluxanları xəstəxanalara qəbul etməyin mümkün olmadığını və ağır durumda olan xəstələrin sayının günbəgün artdığını bildirmişdi.

Bununla yanaşı iyunun 5-də Təbriz Tibb Elmləri Universitetinin Səhiyyə Xidmətləri üzrə rektor müavini Ruzbeh Rəcayi əyalət xəstəxanalarında 850 COVİD-19 xəstəsinin müalicə olunduğunu, onlardan 262-nin reanimasiya şöbələrində yerləşdirildiyini, 115-nin isə süni tənəffüs aparatına qoşulduğu barədə açıqlama vermişdi.

Şərqi Azərbaycanda koronavirusa yoluxma kəskin artdı: Xəstəxanalarda yer çatışmazlığı yaranıb

May-iyun aylarında Şərqi Azərbaycan əyalətində koronavirusa yoluxma və ölüm sayı ilə bağlı heç bir dqiq statistika verilməsədə, əlaqədar məsullar bir neçə dəfə yoluxma və ölüm sayının çox olduğunu, gündəlik ğlüm hallarının 20-25 arası dəyişdiyini bildiriblər.
Qeyd edək ki, ölkə əyalətləri üzrə, o cümlədən Güney Azərbaycanla bağlı yarımçıq da olsa koronavirus statistikası verilir.

Lakin bir neçə həftədir ki, Şərqi Azərbaycan əyalətində COVİD-19-a yoluxanlar və bu səbəbdən vəfat edənlər barədə heç bir məlumat verilmir.

Bir neçə gün öncə Təbrizin Tibb Elmləri Universiteti tərəfindən yayılan məlumatda gündə ortalama 20 nəfərin koronavirusdan dünyasını dəyişdiyi bildirilmişdi. Ondan sonra əyalətdə yoluxma və ölü sayı ilə bağlı heç bir məlumat yayınlanmayıb.

İranda koronavirusun dördüncü dalğasının başlamasından, yoluxanların və ölənlərin sayının çoxalmasından sonra hökumət bu barədə məlumatı bir mərkəzdən və dəyişdirilmiş formada verməyə başlayıb.

Ruzbeh Rəcayinin son açıqlamasından Şərqi Azərbaycan əyalətinin koronavirusa yoluxma, xəstəxanalara yerləşdirmə və ölüm sayına görə əyalətlər üzrə ilk yerlərdən birini tutduğu, cəmiyyət nisbətinə görə isə birinci yerdə olduğu aydın olur.

Buna baxmayaraq, İran hökuməti və əyalət rəhbərliyi fəlakətli durum haqqında xalqa məlumat verməkdən və statistikanı açıqlamaqdan boyun qaçırırlar.