İmişlidə yanğın hadisəsi qeydə alınıb. Hadisə nəticəsində iki mərtəbəli çay evinin üst mərtəbəsi əşyaları ilə birlikdə yanaraq kül olub.

Yanğın hadisəsi İmişli rayon sakini Mənsimov Müşfiq Cəmil oğluna məxsus çayxanada qeydə alınıb. Ümumi sahəsi 360 kvadratmetr olan iki mərtəbəli binada qeydə alınan yanğının söndürülməsi üçün İmişli rayon yanğından mühafizə xidmətinin texnikaları və canlı qüvvəsi hadisə yerinə cəlb edilib. Alov söndürələrək ətraf ərazilərə və tikililərə keçməsinin qarşısı alınıb. Binanın 1-ci mərtəbəsi yanğından mühafizə edilib. Fakt araşdırılır.