“Aqrar sahədə çalışan mütəxəssislərin bilik və bacarıqlarının artırılması” layihəsi çərçivəsində Azərbaycan Dövlət Aqrar Universitetində (ADAU) iqtisadiyyat, yerquruluşu, torpaq və şəhər kadastrı istiqamətləri üzrə ödənişsiz təkmilləşdirmə kurslarına qeydiyyat başlanılıb.

Layihənin məqsədi iqtisadiyyat, yerquruluşu, torpaq və şəhər kadastrı istiqamətləri üzrə fəaliyyət göstərən mütəxəssislərin praktik bilik və bacarıqlarının artırılmasıdır.

Qeyd edək ki, təkmilləşdirmə kursları ödənişsizdir. Layihə iştirakçıları universitetin tələbə evində ödənişsiz yaşayış yeri ilə təmin ediləcəklər. Həmçinin kursları müvəffəqiyyətlə başa vuran iştirakçılara sertifikatlar təqdim olunacaq.