B.Qantsın İrana xəbərdarlığı, İsrailin bir sualtı qayığının və iki hərbi gəmisinin Qırmızı dənizə girməsi ilə bağlı xəbərlərin yayılmasından az sonraya təsadüf edib.


İranın Oman dənizində üzən İsrailin “Mercer Street” neft tankerinə qarşı bombalı hücumuna toxunan Qants deyib ki, əgər İsrailin düşmənləri hazırda cərəyan edən mövcud duruma və prosesə öyrəşiblərsə, indiki vəziyyət bir göz qırpımında dəyişə bilər.


“Bir daha xəbərdarlıq edərək bildiririk ki, İranın gəmilərimizə qarşı hücumları davam edəcəyi təqdirdə İsrailin buna reaksiyası yeni mərhələlərə daxil olacaq.

Daha doğrusu, İsrail İranın bu təcavüzləri qarşısında sakit oturub baxmaqla kifayətlənməyəcək”, -deyə İsrailin müdafiə naziri Beni Qants Livanla sərhəd zonasında toplaşan İsrail hərbçiləri qarşısındakı çıxışında bildirib.


Beni Qants İsrailin İran hücumlarına qarşı verəcəyi reaksiyasının konkret hansı mərhələyə daxil olacağını açıqlamayıb.